• II DÍA DE LA LLINGUA LLÏONESA

Llión, Avientu y 16, 2007

L'Ayuntamientu de Llión entama'l II Día de La Llingua Llïonesa. Los autos desendolcaránse nel Salón d'Autos del Ayuntamientu de Llión. Tendra'l sigiente programa:

DÍA: Avientu y 16

LLUGAR: Salón d'Autos del Ayuntamientu de Llión (entrada C/ Alfonso V)
HORA: 11:30H

ENTRADA LLIBRE ATA CHENARE L'AFORU

• Cursu de Llingua Llïonesa 2007 / 2008 en Salamanca

L'Asociación Cultural Pula Llingua Llïonesa La Barda, xuntu a la Mesa Divulgativa Leonesa en Salamanca y en collaboranza cun El Fueyu, entama'l II Cursu de Llingua Llïonesa en Salamanca. Esti cursu entama en noviembre y 12, y pretende sigire cuna docencia escomenzada'l cabeiru cursu.

El cursu desendolcaráse tolos llunes de 20:00 a 21:00H nel Centru Cultural Miraltormes y será impartíu pur presonal docente de la Universidá de Salamanca.

Toos aqueillos que quieran apuntase al mesmu pueden contautare al traviés d'esti coreyu lleutrónicu : cursodeleones@gmail.com

• Informe sobre la estandarización de la Llingua Llïonesa.

Salamanca, outubre y 11 de 2006

El doutor Sánchez, ún de los dous doutores en filoloxía que trabayan en La Barda, fízunos chegar a La Barda un informe sobre la situación de la llingua y la necesidá d'estandarizalu. Faz la comparancia cul casu del frisiu del norte. Eiquí puede vere l'informe en llínea.

• Reportax sobre la llingua llïonesa en Salamanca nel periódicu Tribuna de Salamanca.

Salamanca, agostu y 6 de 2006

Esti domingu ún de los periódicos más mercaos de la capital charra traxu un reportax sobre la nuesa llingua nas fasteiras falantes salmantinas. En tres páxinas analizóuse la situación crítica na que s'alcuentra'l llionés na nuesa tierra, falandu de las zonas falantes de Las Arribes (variante occidental) y de la Sierra de Gata (variante oriental). Fízuse tamién referencia al amestáu, el dialeutu propiu de gran parte de la provincia de Salamanca, y que nun ye outra cousa qu'una mistura de llïonés y castellán.

Dende La Barda deseyamos dare la nuesa norabona a TRIBUNA pur esta iniciativa.

• La Barda xúnese al estándar llïonés.

Las Arribes, agostu y 1 de 2006

La Barda alcordóu xunise a la primeira propuesta d'estándar llïonés feicha polas asociaciones El Fueyu y El Toralín. Creyemos que nun hai outru camín viable pal caltenimientu de la llingua, ya inda que'l estándar llïonés nun recueya tolas carauterísticas de las falas salmantinas, ye una solución que permite xunir esfuercios nos territorios falantes col envís de protexer el nuesu padremuñu llinguísticu en Salamanca.

• Naz La Barda.

Salamanca, mayu y 15 de 2006.

La Barda naz en mayu de 2006 col envís de protexere las falas llïonesas de Salamanca y espardire la llingua llïonesa ente los salmantinos.